Pas rreth dy ditë kërkime nga RENEA, policia dhe palombarët, nxirret nga liqeni i Ulzës trupi i 37-vjeçarit

Gjendet trupi i 37-vjeçari, Armando Zajsi i cili u zhduk në Liqenin e Ulzës.

37-vjeçari humbi jetën dy ditë më parë pas një aksidenti me mjet uji në Liqenin e Ulzës.

Gazetari Ahmet Zani, tha për ABC News se, operacioni i kërkim-shpëtimit u zhvillua me angazhimin e forcave të shumta nga institucione shtetërore dhe vendore.

Në aksion morën pjesë Forcat e Armatosura, Forca Detare, RENEA, Policia e Shtetit, shërbimet e Mbrojtjes nga Zjarri dhe Shpëtimit, Mbrojtja Civile, si dhe dhjetëra vullnetarë nga zona dhe qytete të tjera.

/abcnews.al/