Loading ...
Pavarësisht marrëveshjes së armëpushimit SHBA-Iran, Izraeli do të vazhdojë të pushtojë pjesë të Libanit, Sirisë dhe Gazës “për një kohë të pacaktuar”, tha ministri izraelit i mbrojtjes.
Israel Katz deklaroi se pushtimi i zonës në Liban gjatë luftës së Iranit ishte një nga “arritjet më të mëdha” të ushtrisë gjatë ofensivës.
Libani Jugor më pas do të “pastrohet” nga banorët vendas dhe nga “e gjithë infrastruktura terroriste”, përfshirë shtëpitë, shtoi Katz.
Benjamin Netanyahu ia komunikoi këtë dje edhe Donald Trump dhe zyrtarëve të lartë amerikanë, sipas Katz.
Ai paralajmëroi gjithashtu se Izraeli do të kundërpërgjigjej nëse Irani do ta sulmonte Izraelin për shkak të ngjarjeve në Liban.
“Ne jemi të përkushtuar vetëm ndaj qytetarëve tanë dhe sigurisë së Shtetit të Izraelit”, shtoi ai, duke thënë se Izraeli “nuk do të bënte kompromis” për interesat e tij të sigurisë.
