Loading ...
Presidenti i SHBA-ve, Donald Trump, thotë se një marrëveshje për t’i dhënë fund luftës me Iranin mund të nënshkruhet sot. Teherani e ka kundërshtuar këtë afat kohor, por thotë se nënshkrimi mund të ndodhë “në ditët e ardhshme”. Trump po ashtu thotë se Ngushtica e Hormuzit do të “hapet për të gjithë” sapo të nënshkruhet marrëveshja dhe pretendon se SHBA-të do të marrin përfundimisht materialin bërthamor të Iranit.
Ndërkaq, shpërthime kanë tronditur Libanin jugor ndërsa forcat izraelite vazhdojnë sulmet vdekjeprurëse, pavarësisht se Irani këmbëngul që çdo marrëveshje armëpushimi duhet të përfshijë edhe Libanin.
Në Teheran janë zhvilluar protesta kundër një marrëveshjeje që po afrohet mes Iranit dhe Shteteve të Bashkuara.
Sipas Iran International, gjatë tubimit, radikalët kanë sulmuar verbalisht negociatorët kryesorë Mohammad Bagher Ghalibaf dhe Abbas Araghchi, duke kërkuar dorëheqjen e tyre.
Ata i akuzojnë për dhënie të tepërta koncesionesh ndaj SHBA-ve në bisedimet diplomatike. Protestuesit pretendojnë gjithashtu se ekipi negociator nuk ka miratimin e Udhëheqësit Suprem dhe shohin heshtjen e tij si shenjë mosmbështetjeje. / abcnews.al /
