Loading ...
Greqi – Një alarm u dha të hënën në mëngjes në qytetin bregdetar të Amfilochias, pasi një zjarr shpërtheu në një jaht luksoz të ankoruar.
Dyshohet se zjarri ka nisur në dhomën e motorëve të anijes, e cila kishte disa ditë që qëndronte e ankoruar në atë zonë.
Menjëherë në vendngjarje mbërritën forcat e zjarrfikëses, të cilat ndërhynë për të vënë nën kontroll flakët. Ekipet e specializuara, të pajisura me mjete mbrojtëse, u përpoqën të depërtonin në dhomën e motorit, ndërsa u përballën me temperatura të larta dhe përhapje të shpejtë të zjarrit.
Autoritetet po vijojnë hetimet për të përcaktuar shkaqet e sakta të incidentit dhe për të vlerësuar dëmet e shkaktuara në jaht.
