Loading ...
Sekretari i Mbrojtjes i SHBA-së, Pete Hegseth ka dërguar një mesazh ndaj Teheranit, duke deklaruar se forcat e armatosura amerikane janë plotësisht të përgatitura për të rifilluar operacionet ushtarake kundër Iranit nëse situata e kërkon.
Duke folur në forumin ndërkombëtar të sigurisë “Shangri-La Dialogue” në Singapor, Hegseth theksoi se Shtetet e Bashkuara disponojnë kapacitete të konsiderueshme ushtarake dhe mbeten të gatshme për t’iu përgjigjur çdo zhvillimi të mundshëm në rajon.
“Ne jemi plotësisht të aftë për të rifilluar operacionet ushtarake nëse është e nevojshme”, deklaroi ai, duke nënvizuar vendosmërinë e Uashingtonit për të mbrojtur interesat e tij dhe të aleatëve.
Shefi i Pentagonit shtoi se SHBA vazhdon t’u përmbahet angazhimeve të saj ndërkombëtare, ndërsa përsëriti se objektivi kryesor i administratës amerikane mbetet parandalimi i Iranit nga sigurimi i armëve bërthamore.
