Loading ...
Televizioni shtetëror i Iranit pretendon se Teherani ka siguruar një draft të një marrëveshjeje fillestare, jozyrtare, për një Memorandum Mirëkuptimi me SHBA-të lidhur me përfundimin e konfliktit mes tyre.
Sipas marrëveshjes që po diskutohet, Irani do të rikthente transportin tregtar në Ngushticën e Hormuzit në nivelet para luftës brenda një muaji, ndërsa SHBA-të do të tërhiqnin forcat ushtarake nga afërsia e Iranit dhe do të hiqnin bllokadën detare.
Televizioni shtetëror tha se marrëveshja, e cila përjashton anijet ushtarake dhe parashikon që Irani të menaxhojë trafikun detar në ngushticë në bashkëpunim me Omanin, ende nuk është finalizuar dhe se Teherani nuk do të ndërmarrë asnjë hap pa “verifikim konkret”.
Po ashtu u shtua se, nëse një marrëveshje përfundimtare arrihet brenda 60 ditësh, ajo mund të miratohet si një rezolutë detyruese e Këshillit të Sigurimit të OKB-së.
