Loading ...
Në kuadër të forcimit të masave të sigurisë dhe parandalimit të futjes apo mbajtjes së sendeve të ndaluara, në Institucioni i Ekzekutimit të Vendimeve Penale Shkodër është zhvilluar një kontroll i gjerë nga Grupi i Sigurisë.
Kontrollet janë ushtruar nën drejtimin e Drejtuesit të Institucionit, Shefit të Policisë, Specialistit të Agjencisë së Mbikëqyrjes në Sistemin e Ekzekutimit të Vendimeve Penale
Sipas njoftimit zyrtar, kontrollet janë zhvilluar në dhomat e banimit dhe ambientet e përbashkëta të institucionit. Gjatë kontrollit fizik të paraburgosurit Gjergj Zefi është konstatuar dhe sekuestruar një aparat celular i tipit “iPhone”.
Personi është veçuar menjëherë, ndërsa për rastin është hartuar raport incidenti dhe dokumentacioni përkatës procedural. Po ashtu, gjatë kontrolleve në ambientet e përbashkëta janë gjetur edhe dy telefona të tjerë celularë të tipit “iPhone”, të cilët janë sekuestruar nga autoritetet.
Gjithashtu kontrolle janë kryer edhe në burgun e Durrësit dhe të Peqinit.
Naim Behluli u arrestua si pjesë e operacionit “Ura” grupi i Pojës. Gëzim Allci i arrestuar për vrasjen e dy të rinjve në Manzë (ngjarja tetor 2025) , ndërsa Ermal Ceni i arrestuar për tentativën e shtypjes se një personi në Durrës. Murat Çerriku i arrestuar për kanosje me armë zjarri.
