Loading ...
Dy adoleshentë qëlluan për vdekje tre burra në një xhami në San Diego të Kalifornisë, në një krim të dyshuar për urrejtje, përpara se të vrisnin veten.
Të shtënat ndodhën të hënën në mëngjes me orën lokale, dy orë pasi nëna e njërit prej të dyshuarve telefonoi policinë për të thënë se djali i saj ishte arratisur me një mik dhe ndoshta po mendonte të bënte vetëvrasje.
Policia ishte tashmë në kërkim të të dyve kur filloi sulmi në Qendrën Islamike të San Diegos dhe gjeti tre viktima me plagë nga arma e zjarrit jashtë pjesës së përparme të ndërtesës.
Menjëherë më pas, ata morën një telefonatë tjetër se të shtëna ishin dëgjuar afër nga një automjet. Oficerët i gjetën të dyshuarit – të moshës 17 dhe 18 vjeç – të vdekur nga plagët e vetëshkaktuara nga arma e zjarrit.
Midis viktimave të ndjera ishte një roje sigurie që punonte në qendër dhe “luajti një rol kyç” në parandalimin e sulmit që të ishte shumë më i rëndë.
Guvernatori I Kalifornise Gavin Newsom, i cili u informua për sulmin shkroi se po ndiqte nga afër çdo zhvillim ndërsa falenderoi autoritetet për reagimin e shpejte.
