Loading ...
Jane zhvilluar sot, njera pas tjetres, seancat per caktimin e mases se sigurimit ndaj 31-vjecarit Kostandin Vogli dhe 50-vjecarit Tori Ruci alias Viktor Ruci. Ishte pikerisht konflikti i pronesise mes ketyre dy personave, per nje beach-bar ne bregdetin e Bashkise Himare, ai qe degjeneroi me pas ne sherr me sende te forta e deri ne vrasjen e 66-vjecarit Rexhep Ismaili, mbremjen e 7 majit ne Gjasht te Sarandes.
I pari qe doli para togave te zeza ishte 50-vjecari Tori Ruci. Ai ishte ndaluar nga policia diten e shtune, pasi ndaj tij ishte caktuar masa e sigurimit “Arrest ne shtepi” per vepren penale “Moskalzim i krimit”. Gjate seances per verifikimin e kushteve dhe kritereve te zbatimit te mases, gjyqtari Mikel Hysometaj vendosi vazhdimin e mases se sigurimit “Arrest ne shtepi”, duke e detyruar te dyshuarin te mos largohet nga banesa e tij ne fshatin Gjasht te Sarandes. Ruci rezulton i denuar edhe me pare per “prodhim dhe shitje te lendeve narkotike”.
Me pas, prokurorja e ceshtjes Armida Kaci dhe gjyqtari Mikel Hysometaj u zhvendosen ne spitalin “Petro Nako” te Sarandes, ku mbahet i shtruar nen masa sigurie 31-vjecari Kostandin Vogli, i plagosur me arme zjarri ne kembe. Prokurorja kishte ngritur ndaj tij tre akuza: “Moskalzim i krimit”, “Shkaterrim i prones” kryer ne bashkepunim dhe “Kanosja” e kryer ne bashkepunim.
Gjyqtari Mikel Hysometaj pranoi kerkesen e prokurores Kaci per caktimin e mases se sigurimit “Arrest ne burg” ndaj 31-vjecarit. Megjithese masa u caktua per akuzat e ngritura nga Prokuroria, Gjykata mbajti nje qendrim tjeter sa i perket cilesimit juridik te ngjarjes. Sipas Gjykates, bazuar ne aktet e paraqitura deri ne keto momente, cilesimi i duhur ligjor duhet te ishte “Vrasje me dashje” kryer ne bashkepunim, mbetur ne tentative, “Moskalzim i krimit” dhe “Shkaterrim i prones” kryer ne bashkepunim.
