Loading ...Mësuesi i anglishtes, Dritan Zaimi i cili predikonte për zotin në klasë nuk jep më mësim në shkollën publike 9 vjeçare “Gustav Majer” në Tiranë.
“Po e ndryshuan, nuk na ka ardhë asnjëri”
” Na thoshte për zotin.”
“Po bëjmë me mësues të ndryshëm anglisht”
Megjithkëtë mes prindërve dhe gjyshërve ende ndjehet shqetësimi për deklaratat e tij tronditëse.
“Nuk dimë tani nga ministria a mund ta lejojnë të japë mësim në shkollë tjetër apo jo. Kudo që të shkojë të njejtën gjë do të bëjë. Ai person i fut në gjak fëmijëve, hidhuni nga kati i pestë se e kam provuar dhe vetë unë.”
“Për këtë gjë të shqetësuar jemi, sa fëmijë humbën jetën. Ne thamë shyqyr që spo e dëgjojmë më këtë gjë se u bënë me fiksime të gjithë njerëzit që u vranë ata fëmijë, jo vriu në kasollë, jo andej jo këndej. Të ndodhi prap kjo. Si mund të vdesë njeriu e të ngjallet prap. Si mund tja thuash një fëmijë?”
Jo të gjithë prindërit kishin dijeni për rastin. Disa e morën vesh pasi ngjarja u bë publike.
“Më vjen për të qarë kur e dëgjon tani. Se me zor po i rrisim fëmijët.”
Të tjerë e kanë mësuar më herët prej fëmijëve. Madje disave iu kanë treguar dhe se po të flisje për zotin mësuesi të vlerësonte me notë.
“Më vuri një 10 tha pse e thash për Zotin”
Mënyrën sesi përpiqej ti indoktrinonte shumë prej fëmijëve e kanë ende në mëndje. Kjo nxënëse e klasës së katërt tregon se shqetësimin ja kishte shprehur dhe mësueses kujdestare.
“Më ka thënë jam hedhur nga ballkoni e kam provuar dhe vetë dhe jam ringjallur, prandaj jam këtu ku jam.
Ju a tha në orë të mësimit? Në orë të mësimit, na vuri dhe muzikë. Bëmë katër orë mësimi vetëm më Jehovain.
Jam e para që kisha reaguar tek klasa që kisha thënë për mësimin. E kam pyetur mësuesen a ka ndodhur kështu apo ashtu. A është në drejtori apo po e bën tinëz, se nuk e kishim bërë këtë mësim.”
Dy prindër shqetësimin e tyre e paraqitën pranë drejtorisë së shkollës e cila sipas ministrisë se Arsimit pas verifikimeve dhe administrimit të materialeve të përdorura nga mësuesi në orë të mësimit i përcolli rastin komisionit të etikës I cili largoi nga puna mësuesin e anglishtes.
Por megjithëse Dritan Zaimi nuk jep më mësim për shkelje të rregullores dhe ligjit sipas të cilit shkolla është laike dhe nuk duhet të promovojë fe të caktuara deklaratat e tij kthyen në vëmendje raste të ngjashme në vite të shkuara që përfunduan deri me vetëvrasje.
Për shkak të akuzave të rënda Abc News pyeti ministrinë e Arsimit për përfshirjen e organeve hetimore në zbardhjen e saj. Ajo la të kuptohet se për momentin nuk do ta bëjë një gjë të tillë. Në polici thanë burime për Abc News akualisht nuk ka një denoncim për mësuesin e anglishtes. Situatë kjo që lë të hapur dhe mundësinë e rikthimit të tij në institucionet arsimore. /abcnews.al
