Loading ...Vërshimet e lumit Seman përmbytën për herë të dytë brenda dy muajve territoret e tre bashkive në Fier. Një situatë e pazakontë për një lumë si Semani, që lidhet me sasinë e reshjeve dhe shkarkimet e hidrocentralit të Moglicës mbi lumin Devoll.
Ndryshe nga Vjosa, argjinatura e lumit Seman, është dëmtuar masivisht, gjë që e konfirmojnë vetë banorët.
Eduart Garavelli tregon se si një natë më parë, qëndruan zgjuar nga frika se lumi do të kalonte mbi argjinaturë. Për këtë situatë ai fajëson edhe bashkëfshatarët e tij, duke e quajtur përmbytjen, ndëshkim për papërgjegjshmërinë e tyre
Një natë më parë, uji arriti nivelin e argjinaturës duke qëndruar për disa orë përpara se të tërhiqej.
Dëmet në bujqësi, janë të shumta.
Semani është bashkim i dy lumenjve Osum dhe Devoll. Ai përshkon territorin e Rroskovecit, Patosit dhe Fierit dhe përfundon në bregdetin e Semanit
/abcnews.al
