Një oficer policie dhe një doganier kanë rënë në prangat e policisë në doganën Qafë Prush, për shpërdorim detyre dhe kontrabandë.
Agim Malaj 47 vjeç me detyrë përgjegjës turni dhe doganieri Asim Çuni 48 vjeç nuk bënë kontrollin e kamionit me targa AA 820 DY, i cili futi në vend mallra kontrabandë.
Ata u arrestuan gjatë hetimit të Departamentit për Kufirin dhe Migracionin në bashkëpunim me Shërbimin për Çështjet e Brendshme dhe Ankesat në Ministrinë e Brendshme.
Policia thotë se punonjësi i policisë është arrestuar për shpërdorim detyre, ndërsa doganieri për kontrabandë nga punonjës që lidhen me veprimtarinë doganore./abcnews.al
