Carlo Ancelotti u shkarkua nga Napoli mbrëmjen e 10 dhjetorit. Fitorja 4-0 kundër Genk dhe kualifikimi në Champions League, nuk zbutën tërbimin e presidentit De Laurentiis, teksa është e vështirë të gjesh ndonjë rast shkarkimi pas një fitore me “poker”. Pushimet e trajnerit të famshëm italian kanë zgjatur pak dhe java e ardhshme do e gjejë me ekip të ri.
Akordi me Everton është arritur dhe Carletto është gati të nisë aventurën e dytë në Premier League (drejtoi Chelsea gjatë viteve 2009-2011). The Sun raporton se të hënën do të vijë firma në kontratë dhe zbulon shifrat e frikshme që do të përfitojë 60-vjeçari. Ancelotti do të firmosë një kontratë 4.5-vjeçare me një rrogë prej 11.5 milionë sterlinash në sezon.
50 milionë sterlina (ndryshe rreth 58 milionë euro) do të përfitojë italiani gjatë aventurës me ekipin nga Liverpool. Një kontratë fantastike dhe mbushje e llogarive financiare për trajnerin. Me një llogari ndryshe i bie që të fitojë 1 milionë e 128 mijë euro në muaj, 31 mijë sterlina në ditë ose 24 euro në minutë. Everton ka ambicie të mëdha dhe shpreson që trajneri ekspert të rrisë nivelin e klubit dhe shumë shpejt të fusë në garë për objektiva të mëdha. /abcnews.al
