Loading ...ABC News publikoi këtë të hënë përgjigjet e sondazhit të radhës në ‘Zëri i Shqiptarëve.
Sondazhit iu nënshtruan këtë herë 2217 banorë të rritur të vendit, votues te 11 majit. Ashtu si edhe më parë, linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë.
Pyetësori u plotësua elektronikisht në mënyrë krejt anonime nga të anketuarit, ndërsa marxhi i gabimit shkon në +/- 2.4%
Pyetjes në sondazh: Për cilën nga dy partitë kryesore, keni opinionin më pozitiv? Për kampin socialist, kanë votuar 46.6 për qind e të anketuarve. Për demokratët kanë votuar 30 për qind e kampionit, ndërsa elektorati gri është në kuotën e 23.4 për qind të votuesve.
Rezultatet e këtij sondazhi janë krahasuar me të një jave më parë, ku në datë 26 tetor, votuesit për Partinë Socialiste si partia me mendim më pozitiv ishin në rangun e 47.4 për qind.
Sakaq, nga sondazhi i 26 tetorit rezulton se për Partinë Demokratike kanë votuar 28.1 për qind. Elektorati gri mbetet në kuotën e 24.5 për qind të votuesve.
Në shkallë krahasuese, PS shënon një rënie të lehtë me 0.8 për qind, ndërsa demokratët një rritje me 1.9 për qind. Sa i përket elektoratit gri, ka një rënie me 1.1 për qind.
/ abcnews.al /
