SELENICË– Policia e Vlorës ka dhënë detaje të reja mbi krimin në Gjorm të Selenicës, ku humbi jetën Dalan Alliaj.
Sipas bluve të qytetit bregdetar, autori i dyshuar i krimit është Bertil Alliaj.
Ai akuzohet paraprakisht se ka vrarë me armë zjarri kushëririn e tij, Dalan Alliaj.
Pas kryerjes së krimit, Bertil Alliaj është larguar drejt zonës malore përreth, ku dyshohet se fshihet.
Autoritetet vijojnë punën intensive për lokalizimin dhe kapjen e autorit të dyshuar, ndërsa nën drejtimin e Prokurorisë vijojnë veprimet hetimore për dokumentimin e plotë të ngjarjes/abcnews.al

