Loading ...
Ish-kryeministri Sali Berisha ka dënuar ngjarjen e ndodhur në Gjykatën e Apelit në Tiranë, ku u vra me armë zjarri gjyqtari Astrit Kalaja.
Berisha, nëpërmjet një statusi në Facebook, shprehet se ka ndodhur një akt i rëndë kriminal dhe se duhet një dënim maksimal për autorët.
Statusi:
Ekzekutohet me armë zjarri gjyqtari i Apelit Astrit Kalaja.
Mediat njoftojnë se një person i armatosur ka qëlluar me armë zjarri sallen e gjyqit, në detyrë, gjyqtarin e Apelit Astrit Kalaja, i cili humbi jetën nga plagët brenda pak kohe.
Duke i shprehur ngushëllimet më të ndjera familjes, miqve dhe të afërmve të gjyqtarit të ndjerë Kalaja, dënoj me forcën më të madhe aktin e shëmtuar dhe kriminal ndaj gjyqtarit në sallen e gjyqit , dëshmi e kontrollit të rendit nga krimi dhe pasigurisë së madhe që ekziston sot në vend.
Kërkoj dënimin më të rreptë ligjor për ekzekutorin dhe porositësit e këtij krimi shumë të rëndë.
