Mauro Icardi u huazua në fund të merkatos te PSG dhe po dhuron performanca pozitive dhe gola me ekipin francez. Sulmuesi është ende një lojtar i Interit, por kampionët e Francës mund ta bëjnë të vetin për shumën e 70 milionë eurove.
Wanda Nara, e cila është gruaja dhe agjentja e argjentinasit, i shkel syrin Interit në një prononcim për mediat italiane, teksa ia lë fatit në dorë të ardhmen e Mauro Icardit.
“Ditën e fundit të merkatos u shfaq mundësia PSG dhe pranuam menjëherë, sepse e dinim që do të ishte një sukses për Icardin. Gjithsesi, nuk dihet se ku do na çojë fati në të ardhmen. Unë vazhdoj të jetoj në Milano, të shohim se ku do të vijojë karriera e Mauros.
Interi? Më erdhi shumë keq që u eliminua nga Champions League. Kam një djalë tifoz të Interit dhe qau si në herët e tjera. Ne i përkasim ende këtij klubi, Mauro ka një kontratë me zikaltrit“, komenton Wanda Nara. /abcnews.al
