Loading ...LUSHNJË- Një shpërthim me tritol ka ndodhur në mesnatë në qytetin e Lushnjës. Lënda plasëse është hedhur në murin e jashtëm të një pallati, në katin e parë. Apartamenti rezulton në pronësi të Shaqe Gjatës, nënës së Klea Gjata.
Kjo e fundit njihet si ish-e dashura e Laert Haxhiut. Ai është dënuar me burg përjetë për masakrën e Lushnjës.
I njohur ndryshe si rivali i Aldo Bares, ish-kreut të bandës së Lushnjës, Haxhiu vrau Zamir Latifin dhe Jurgen Hoxhën si dhe plagosi Marjus Xhepexhiun dhe Bujar Turkut në Lushnjë. Shënjestra ishte Xhulio Shkurti, nipi i ish-kreut të bandës së Lushnjës, Aldo Bare.
Po ashtu Haxhiu është akuzuar për një mori veprash kriminale, që përfshijnë vrasje, atentate dhe grup kriminal. Dëshmia e të penduarit të drejtësisë, Marjus Tafani, ka kontribuar në zbardhjen e shumë ngjarjeve kriminale që Haxhiu ka kryer/abcnews.al
