Loading ...Partia Socialiste e Shqipërisë shënon sot 34-vjetorin e themelimit, një moment simbolik që përkujton rrugëtimin e saj nga fillimet në periudhën e paskomunizmit, deri në konsolidimin si një prej forcave kryesore politike në vend. E lindur në qershorin e vitit 1991, si trashëgimtare e Partisë së Punës, PS ka kaluar përmes transformimesh të thella ideologjike, organizative dhe politike, duke ndikuar ndjeshëm në formësimin e jetës institucionale dhe demokratike në Shqipëri.
ABC News tregon nga afër atmosferën festive në selinë rozë, ku nuk munguan as intervistat me analistë dhe deputetë të radhëve të PS.
Romina Kuko, theksoi në një intervistë për “Tirana Live” se integrimi në Bashkimin Europian mbetet një interes madhor për Shqipërinë. Ajo nënvizoi se puna për reformat po vijon në bashkëpunim me institucionet europiane dhe theksoi rëndësinë e konsensusit mes forcave politike në vend, për të garantuar ecurinë e qëndrueshme të këtij procesi strategjik.“Integrimi në Bashkimin Europian është në interes të Shqipërisë. Jemi duke vazhduar reformat me Bashkimin Europian. Është mirë që mes partive politike në vend të ketë një konsensus për të garantuar procesin.”, tha Romina Kuko./abcnews.al
