Prej disa javësh, Selin Dion po anullon koncertet që jep rregullisht vitet e fundit në Pallatin Cesar në Las Vegas.
Në një mesazh të postuar në llogarinë e saj në Facebook, Sélin shprehu trishtimin e saj për anullimin më të fundit mbrëmjen e seë dielës. “Më vjen keq që të anuloj një tjetër koncert, përveç dy shfaqjeve javën e kaluar”, shkruante ajo në rrjetin social. Në mënyrë të dukshme shumë e emocionuar, këngëtarja duket e pikëlluar nga situata: “Ju jeni mbështetësit e mi më të mëdhenj dhe unë jam shumë keq kur ju zhgënjej”.
Përsëri udhëzimi për pushim total iu dha nga mjeku këngëtares kanadeze. Përveç kësaj, rastësisht apo jo, të dielën bëheshin plot dy vjet që kur René Anzhélil, burri i famshëm i Celine Dion, u largua nga kjo botë.
Siç ishte planifikuar javën e kaluar, interpretuesja e qindra këngëve të njohura ishte kthyer të shtunën në Pallatin Ceasars, atje ku ajo prej vitesh këndon në mbrëmje, ku ndjekësit e saj paguajnë bileta mjaft të kripura për të parë divën live. Por dalja e fundit para publikut të veçantë duket se i ka kushtuar shumë këngëtares “mezi e mbarova spektaklin dhe kam shpenzuar energjitë e mia të fundit,” shkruajti të dielën këngëtarja në mesazhin e tij për fansat e saj
Përkundër vështirësive të saj të tanishme, artistja e madhe duket se do t’i rikthehet fuqishëm skenës muajt e ardhshëm. Celine Dion kohët e fundit njoftoi një turne në Azi për këtë verë. Ajo do të performojë ndër të tjera në Tokio më 26 qershor dhe në Singapor më 3 dhe 4 korrik./abcnews.al
