Iu gjet armë zjarri të cilën do e shiste/ Vihet në pranga 17 vjeçari në Vlorë, në kërkim bashkëpunëtori i tij 19 vjeç

U kap në flagrancë me 1 armë zjarri automatike, të cilën dyshohet se do ta shiste në qytetin e Vlorës, vihet në pranga 17-vjeçari.

Ndërkohë një 19 vjeçar është identifikuar dhe është shpallur pasi dyshohet se ka bashkëpunuar me 17-vjeçarin, për të siguruar armën e zjarrit me qëllim shitjen në qytetin e Vlorës

Sekuestrohen arma e zjarrit automatike dhe 3 krehra.

Gjatë operacionit, në aksin rrugor “Fier-Vlorë”, u kap në flagrancë dhe u vu në pranga një 17-vjeçar, banues në Fier, pasi gjatë kontrollit në bagazhin e një automjeti taksi, të cilin ky shtetas e kishte marrë për të udhëtuar drejt Vlorës, mes sendeve të tij personale, u gjet një armë zjarri automatike dhe dy krehra.

Gjatë kontrollit në banesën e shtetasit 19 vjeçar, u gjet një krehër arme, i cili u sekuestrua në cilësinë e provës materiale, së bashku me armën e zjarrit (pushkë automatike) dhe dy krehrit që transportonte 17-vjeçari.

Vijon puna për kapjen e shtetasit E. Gj. dhe për dokumentimin e plotë të rastit.

/ abcnews.al