Loading ...
TIRANË- Shtyhet seanca paraprake për dosjen “Toyota Yaris” ku i përfshire është ish-drejtuesi i Prokurorisë së Vlorës, Aurel Zarka.
SPAK pak ditë më parë njoftoi mbylljen e hetimeve për ish-kryeprokurorin e Vlorës Aurel Zarka, i arrestuar për korrupsion dhe ushtrim ndikimi dhe tashmë ka dorëzuar kërkesë në gjykatë për kalimin e dosjes për gjykim.
Pak ditë më parë, Prokuroria e Posaçme i ka komunikuar të njëjtat akuza përmes avokatit mbrojtës edhe ish-oficeres së krimeve të rënda Erjona Daupaj, e cila ndodhet në kërkim.
Akuza iu komunikua edhe avokatit Radovan Çela për korrupsion aktiv. Aurel Zarka u arrestua në Korrik të këtij viti pas transkiptimit të komunikimeve në aplikacionin Sky ECC dhe EncroChat.
Ai akuzohet se ka ndërhyrë duke ndikuar në zbutjen e pozitës penale për të akuzuarit e dosjes së famshme, ku në vitin 2018, në një makinë Toyota Yaris që hynte në portin e Durrësit, u gjetën 3.4 milionë euro.
