Rekrutonte shtetase të huaja për prostitucion, shpallet në kërkim 36 vjeçari në Tiranë. Nën hetim 16 shtetase të huaja

Një 36 vjeçar është shpallur në kërkim nga policia pasi rekrutonte shtetase të huaja nëpërmjet faqeve online për prostitucion. Nën hetim janë vënë edhe 16 shtetase me origjinë nga Brazili dhe Kolumbia, që ushtronin prostitucion në ambiente me qira ditore.

36 vjeçari bashkëpunonte me të huaj për të sjellë në Shqipëri shtetaset nga Kolumbia dhe Brazili me qëllim shfrytëzimin për prostitucion duke përdorur faqe online. Aktiviteti ushtrohej në ambiente me qira, të cilat i siguronte nëpërmjet agjencive të ndryshme.

Sipas policisë, 36 vjeçari ka përfituar rreth 200 mijë euro nga veprimtari gjatë një viti./abcnews.al