Izraeli nisi një breshëri sulmesh ushtarake në shumë vende në Siri të hënën, duke përfshirë shkatërrimin e dhjetëra avionëve, helikopterëve dhe pajisjeve të tjera në të paktën tre baza të ushtrisë siriane.
Baza ajrore e Qamishli në verilindje të Sirisë, baza Shinshar në fshat afër Homsit dhe aeroporti Aqrba në jugperëndim të Damaskut u goditën të gjitha, raportoi Reuters.
Ndërkohë, një seri shpërthimesh u dëgjuan në periferi të ndryshme të Damaskut, ku Izraeli ka shënjestruar objekte të lidhura me prodhimin iranian dhe sirian të raketave dhe armëve kimike, dhe një qendër për luftë elektronike në periferi Sayeda Zainab.
Në një letër drejtuar Këshillit të Sigurimit prej 15 anëtarësh të Kombeve të Bashkuara, i cili u mblodh të hënën pasdite për të diskutuar zhvillimet në Siri pas rrëzimit së presidentit Bashar al-Assad të dielën, Izraeli këmbënguli se veprimet e tij ishin “masa të kufizuara dhe të përkohshme” për të mbrojtur qytetarët e tij, veçanërisht në lartësitë Golan që kufizohet me Sirinë.
“Izraeli nuk po ndërhyn në konfliktin e vazhdueshëm midis grupeve të armatosura siriane; veprimet tona janë të përqendruara vetëm në ruajtjen e sigurisë sonë”, shkroi ambasadori i Izraelit në OKB, Danny Danon./abcnews.al
