Ermal Tahiri, i ftuari i zakonshëm në të hënat e Pressing në ABC News, analizoi përballjen e Partizanit dhe Laçit dhe vijon të vërë në dukje grupin e zgjeruar të lojtarëve që kanë “demat e kuq”. “Për Partizanin e kemi thënë, duhet të shkëputej. Kjo prej lojtarëve që ka. Shumë pak ekipe kanë një përbërje të tillë. E kemi thënë se do të shkëputet.
Dua ta shoh këtë Partizan të bëjë super lojë. Nuk diskutohet që nuk ishte e lehtë, luante me Laçin këtë herë. E menaxhoj lojën, qarkulloi topin dhe pati raste. M’u dukën pa të ngurtë në sulm, ndoshta edhe nga rreshtimi i Laçit në 30 metrat e fundit.
I rëndësishëm është dominimi, në të dyja fazat e lojës. Kanë lojtarë të shumtë që mund të shënojnë, që e nxjerrin skuadrën nga situata. Më vjen keq për Romeron që luan 20 minuta. E kam parë dhe është shumë i mirë. Nuk gjen vend në formacion dhe kjo tregon se sa lojtarë të atij niveli ka Partizani”.
“Laçit sot i munguan 2 lojtarë, nuk kanë të tjerë të një niveli. partizani i ka. Pamë mbrojtësin e djathtë, që është i ri. E komplimentoj Trokthin, por nuk ka eksperiencë. Ata luajtën në të majtë dhe e bombarduan djaloshin, e linin vetëm shpesh në dyluftim”. /abcnews.al
