Autoritetet në Francë kanë ngritur alarmin pas përplasje me bandave të trafikut të drogës. Vetëm një ditë më parë ngjarja u përshkallëzuar në qytetin perëndimor francez të Poitiers pas një përleshje mes grupeve rivale, ku u përfshinë rreth 600 persona.
Sipas BBC pesë persona u plagosën rëndë pas të shtënave drejt një restoranti në qytet. Një 15-vjeçar mbeti në gjendje kritike pasi mori plagë në kokë.
Ministri i Brendshëm Bruno Retailleau e përshkroi incidentin si një shenjë alarmante të dhunës së lidhur me drogën që po përshkallëzohet në vend.
Kjo pason pas të shtënave në qytetin veriperëndimor të Rennes javën e kaluar, ku u vra një djalë pesë-vjeçar.
Tregtia e drogës në Francë është parë prej kohësh si e përqendruar në qytetin port jugor të Marsejës, ku të paktën 17 vrasje të lidhura me drogën janë raportuar që nga fillimi i vitit.
Por studiuesit thonë se ndikimi i trafikut të drogës në Francë në vitet e fundit është përhapur përtej qendrave kryesore të Marsejës dhe Parisit në qytete të mesme dhe madje edhe në zonat rurale.
/abcnews.al/
