Stuhia tropikale Dana solli erëra të forta dhe shi në bregun lindor të Indisë, ku rreth 600,000 njerëz u evakuuan. Sipas Shërbimit Meteorologjik Indian, stuhia zbarkoi në shtetin e Odishës, me një shpejtësi maksimale të erës prej rreth 110 kilometra në orë dhe me rrebesh deri në 120 kilometra në orë, shkruan AP.
Në disa rrethe të Odishës dhe në shtetin fqinj të Bengalit Perëndimor, erërat rrëzuan pemët. Deri në mëngjesin e kësaj të premte nuk ka pasur viktima dhe nuk raportohet për dëme të mëdha. Gati 600,000 njerëz u evakuuan nga zonat me rrezik të lartë në Odisha në fillim të kësaj jave dhe ekipet e punëtorëve të shpëtimit dhe ndihmës u vendosën në pritje të stuhisë.
Shkollat u mbyllën, më shumë se 200 nisje treni u anuluan dhe fluturimet për dhe nga kryeqytetet e Odisha dhe Bengalit Perëndimor u pezulluan. Autoritetet ishin në gatishmëri për dëme të mundshme në tre rrethe të Odishës, ku parashikohet një ngritje e detit prej rreth një metër, e cila mund të vërshojë ultësirat./abcnews.al
