Ushtria ruse njoftoi se goditi dy sisteme të mbrojtjes anti-ajrore amerikane Patriot në Ukrainë dhe Kievi konfirmoi se kishte goditur ato armë të çmuara, por minimizoi dëmin.
Ukraina ka sisteme të shumta Patriot të furnizuara nga aleatët e saj perëndimorë dhe i përdor ato për të kundërshtuar sulmet e përditshme ruse.
Ushtria ruse “goditi dy sisteme Patriot”, tha Ministria ruse e Mbrojtjes në një raport të përditshëm, pa specifikuar se kur ndodhi.
Një ditë më parë, ushtria ruse publikoi një video ajrore përmes Telegramit që thotë se tregon një raketë Iskander që godet një sistem Patriot në rajonin Dnipropetrovsk të Ukrainës, në pjesën qendrore-lindore të vendit.
Sipas atij burimi, lëshuesi i sistemit Patriot është shkatërruar dhe tjetri është dëmtuar, shkruan AP.
Zëdhënësi i Forcave Ajrore të Ukrainës, Yuri Ignat, konfirmoi këtë të enjte se një sistem i tillë u godit në një sulm rus të mërkurën në rajonin e Dnipropetrovsk. Ai shtoi se sistemi u përball të mërkurën me një grup raketash balistike ruse dhe se ato u kapën./abcnews.al
