Të paktën 48 persona kanë humbur jetën në Nigeri, pasi një cisternë karburanti u përplas me një kamion që transportonte pasagjerë dhe bagëti.
Agjencia Shtetërore e Menaxhimit të Emergjencave të Nigerit tha se përplasja ndodhi rreth orës 00:30 me orën lokale të dielën dhe shkaktoi një shpërthim që përfshiu të dy automjetet.
Nga shpërthimi janë prekur edhe një sërë automjetesh të tjera.
Duke folur për agjencinë e lajmeve Reuters pas incidentit, një punonjës i shpëtimit emergjent tha se ata po punonin për të gjetur trupa, si dhe kafshë të ngordhura që ishin ende brenda automjetit.
Shpërthimet dhe aksidentet e cisternave të karburantit janë të zakonshme në Nigeri, pjesërisht për shkak të gjendjes së keqe të rrugëve.
