I dërguari i Bashkimit Evropian, Miroslav Lajçak gjatë vizitës në Kosovë ripërsëriti apelin se Ura e Ibrit duhet të hapet, por në koordinim me aleatët ndërkombëtarë.
Këto komente, Lajçak i bëri pas takimit pas takimit me kryenegociatorin e Kosovës për dialog, Besnik Bislimi.
“Biseduam se sa progres është arritur nga takimet e fundit. Diskutuam çështjen e Urës së Ibrit dhe hapjen e saj për transport. Qëndrimi i BE-së është i mirënjohur, por po e përsëris… duhet të hapet, por hapja duhet të bëhet në bashkëpunim të ngushtë me partnerët ndërkombëtarë të Kosovës”, ka thënë Lajçak.
Lajçak është pyetur edhe rreth protestës së serbëve që kanë paralajmëruar se do ta nisin sot në pikat kufitare me Kosovën, në pjesën serbe.
“Shpresoj të mos ketë bllokim, sepse ka impakt negativ në lirinë e lëvizjes dhe jetën e njerëzve”, tha ai.
