Gjatë raundit të fundit të negociatave për armëpushimin në Gaza, i cili përfundoi të premten në Doha, nuk pati përparim për shkak të këmbënguljes së negociatorëve izraelitë për të përfshirë kushte të reja në marrëveshje, tha një zyrtar i paidentifikuar i Hamasit për televizionin libanez Al Mayadeen.
Zyrtarët e Hamasit, të cilët nuk ishin të pranishëm në bisedime, i thanë BBC-së se kuadri i propozimit të ri përmbante kushte të reja që grupi nuk mund t’i pranonte.
Sipas burimeve, Izraeli ka vendosur kushte të reja, të cilat përfshijnë mbajtjen e trupave brenda Gazës përgjatë kufirit me Egjiptin, ndërsa Hamasi kërkon një armëpushim të plotë, një tërheqje të plotë të Izraelit nga Rripi, kthimin e palestinezëve të zhvendosur dhe një marrëveshje shkëmbimi të të burgosurve.
Zyrtarët amerikanë thanë gjithashtu se raundi i fundit i bisedimeve ishte më produktiv në muajt e fundit, me mediat izraelite që raportuan se bisedimet ishin “pozitive dhe konstruktive“.
Ministri i Jashtëm iranian në detyrë, Ali Bagheri Khani, tha më herët të premten se ministri i Jashtëm i Katarit, Mohammad bin Abdulrahman i përshkroi rezultatet e kësaj faze të negociatave si “të ndjeshme”./abcnews.al
