Aktori i mirënjohur Gent Hazizi ishte i ftuar në emisionin “ABC e Mëngjesit” në ABC News, ku foli për projektin e tij më të ri.
Hazizi do të vijë me një stand up comedy, të titulluar “Crazy Brother”, të mërkurën në orën 21:00 në stadiumin Stermasi në Tiranë.
“Unë kam qenë klient në bar dhe një natë të bukur, gruaja më tha ‘pse nuk e bën?”. Ajo më shtyu, fola me organizatorët. Më kanë filluar pak emocionet. Stand up e kam shkruar vetë.
Kemi bërë 8 shfaqje me Besin, tani jam vetë. Jemi mësuar me skeçe, stand up është zhanër më i vështirë, më i bukuri dhe më me nivel.
Në orën 21:00 të mërkurën do të bëhet stand up. Këtë shfaqje e kam dedikim për fëmijët, vëllezërit dhe babain. Vëllezërit dhe babai nuk jetojnë më.”, u shpreh ai.
/abcnews.al
