Zbardhen detaje të reja në lidhje me gabimet e Shërbimit Sekret Amerikan që lejuan 20-vjeçarin Thomas Matthew Crooks të qëllonte me armë Trump. FOX raportoi se agjentët amerikanë e kishin etiketuar 20-vjeçarin si një “kërcënim” 10 minuta para se të dilte në skenë kandidati Trump.
Sipas raportit, punonjësit e Shërbimit Sekret janë informuar se në zonë ndodhej një “person i dyshimtë” më shumë se një orë para fillimit të tubimit të republikanëve.
Ky imazh duket se konfirmohet nga video nga kanali Action Neës 4 i Pittsburgh, në të cilin Crooks u pa duke ecur nëpër zonë një orë para fjalimit të Trump.
Rreth orës 5:45 të pasdites, vetëm 26 minuta para të shtënave, një anëtar i Njësisë së Shërbimeve të Emergjencave të Qarkut Beaver (ESU) pa Crooks-in në çati dhe i bëri një foto.
Pothuajse në të njëjtën kohë, një oficer policie i Qarkut Beaver raportoi gjithashtu Crooks si një person të dyshimtë.
Në minutat e fundit përpara se Crooks të tërhiqte këmbëzën, pjesëmarrësit në tubim pranë ndërtesës AGR e panë atë në çati me një armë dhe filluan të bërtasin për të alarmuar zbatimin e ligjit aty pranë.
Crooks kishte kohë të mjaftueshme për të goditur. Një tjetër kalimtar mund të dëgjohet duke bërtitur “Ai ka një armë!” vetëm 12 sekonda para së qëllonte.
Por tashmë ishte tepër vonë.
Ky është atentati i parë ndaj një ish-presidenti aktual të SHBA në 43 vjet.
/abcnews.al
