Sekretari i Jashtëm i Britanisë David Lammy ka kërkuar lirimin e menjëhershëm të një shtetasi britanik që mbahet në kushte “të mjerueshme” në Rusi.
Ai e cilësoi “absurd” dënimin e politikanit opozitar Vladimir Kara-Murza me 25 vite burg. Kara-Murza, 42 vjeç, u dënua për tradhti vitin e kaluar për komente publike në kritika ndaj Kremlinit.
Lajmi shpërtheu javën e kaluar se ai po transferohej në një spital burgu dhe avokatët e tij nuk kishin mundur ta vizitonin atje që nga e enjtja.
“Jam jashtëzakonisht i shqetësuar që avokatëve të Vladimirit po iu mohohet qasja në spitalin e burgut dhe që autoritetet ruse vazhdojnë t’i refuzojnë atij ndihmën konsullore nga Ambasada Britanike. Vladimir po mbahet në kushte të mjerueshme në burg, pasi ka pasur guximin të thotë të vërtetën për luftën në Ukrainë. Dënimi i tij absurd 25-vjeçar tregon frikën e thellë të Kremlinit se më shumë rusë do ta dinë realitetin e luftës së paligjshme të Putinit – dhe është dëshmi e mëtejshme e represionit të synuar të opozitës,” tha Lammy.
/abcnews.al
