Kylian Mbappe është drejt largimit dhe PSG-ja duket e dorëzuar. Real Madrid dhe Liverpool janë gati për ta transferuar yllin francez. Raportimet nga Spanja tregojnë se presidenti i Realit, Florentino Perez, beson se anglezët e Liverpool janë një hap para ndaj madrilenëve.
Perez është i shqetësuar se Liverpool është i gatshëm ta përballojë pagën e sulmuesit. Paga aktuale e 20-vjecarit tek PSG-ja është 300,000 £ në javë. Gjithsesi galaktikët e kanë bërë ofertën e tyre, plot 400 milionë £, çka do të kalonte dhe rekordin e Neymarit, siç raporton ‘Calcio Mercato’.
Kontrata e Mbappes me kampionët e Francës përfundon në verën e vitit 2022. Nëse sulmuesi nuk e rinovon as sezonin tjetër, atehërë klubi francez do të mendojë zëvendësuesin e tij. Qarkullojnë zëra se parisienët janë pas Griezmann. Francezi nuk e ka atë shkëlqimin e dikurshëm të Atleticos tek Barcelona dhe me shumë mundësi transferimi në Paris mund ta tundojë atë. /abcnews.al
