Presidenti i Shqipërisë, Bajram Begaj ka zhvilluar një takim kokë më kokë në Berlin me Presidentin e RFGJ-së Frank-Walter Steinmeier.
Ata kanë zhvilluar diskutime për forcimin e bashkëpunimit dypalësh dhe integrimin e Shqipërisë në BE.
Sakaq, Begaj ka falenderuar presidentin Steinmeier për kontributin në forcimin e marrëdhënieve dhe partneritetit mes dy vendeve.
Ai ka theksuar ndër të tjera se Gjermania ka qenë mbështetje për avancimin e reformave në Shqipëri dhe zhvillimin e vendit.
“Takimi, tregues i bashkëpunimit të shkëlqyer politik dhe i vëmendjes së vazhdueshme të Gjermanisë ndaj Shqipërisë.
Garanci për mbështetjen e Gjermanisë për integrimin e Shqipërisë në BE.
Gjermania ka qenë mbështetje për avancimin e reformave në Shqipëri dhe zhvillimin e vendit.
Roli i Gjermanisë në Ballkanin Perëndimor është i pazëvendësueshëm përballë sfidave që komprometojnë të ardhmen Euroatlantike.
Duhet bashkëpunim i ngushtë rajonal. E ardhmja evropiane udhërrëfyes për begatinë e rajonit”, u shpreh presidenti shqiptar./abcnews.al
