Të paktën pesë persona kanë vdekur dhe disa të tjerë janë plagosur pasi një tren mallrash u përplas me një tren pasagjerësh në Indinë lindore të hënën, raportojnë mediat e huaja.
Kanchenjunga Express, i cili kalon midis qytetit të Kolkata dhe Silchar në shtetin verilindor të Assam, u godit nga një tren mallrash në jug të qytetit të Siliguri, sipas kryeministres së Bengalit Perëndimor Mamata Banerjee.
“Pesë pasagjerë kanë vdekur dhe 25-30 janë plagosur në aksident. Situata është e rëndë” u tha gazetarëve nga vendi i përplasjes zëdhënësi i policisë së Darjeeling, Abhishek Roy.
Përplasja vjen më shumë se një vit pasi India përjetoi një nga katastrofat më të këqija të trenave në historinë e vendit, kur më shumë se 280 njerëz u vranë në një përplasje trekahëshe që përfshinte dy trena pasagjerësh dhe një tren mallrash në shtetin lindor të Odishës.
Ky incident tronditi kombin, duke ripërtërirë thirrjet për autoritetet që të përballen me çështjet e sigurisë në një sistem hekurudhor që transporton më shumë se 13 milionë pasagjerë çdo ditë./abcnews.al
