Holanda po mendon të mos marrë pjesë në Eurovision Song Contest vitin e ardhshëm, pasi përfaqësuesi i tyre Jost Klein u skualifikua nga gara e këtij viti, njoftoi shërbimi i tyre publik.
Klein, i cili u kualifikua për në finale në Malmö Arena, u skualifikua vetëm disa orë para se të performonte, pasi dyshohet se kishte kërcënuar një kameramane.
Ishte hera e parë në historinë e Eurovizionit që një pjesëmarrës skualifikohej pas arritjes në finale, gjë që tërhoqi shumë vëmendjen e publikut, pasi Jost konsiderohej si një nga favoritët.
Pas gjithë kësaj, shërbimi publik holandez Avrotros njoftoi se ishin të tronditur nga vendimi dhe deklaruan se Klein nuk e preku gruan.
“Pavarësisht marrëveshjes së qartë, Jost u filmua teksa zbriti nga skena dhe nxitoi në dhomën e gjelbër. Në atë moment Jost e bëri të qartë disa herë se nuk donte të filmohej. Kjo nuk u respektua“, tha Avrotros.
Tani NME raporton se përfshirja e tyre e ardhshme është në dyshim./abcnews.al
