Në ditët e nxehta të verës pishinat janë një nga destinacionet e pëlqyera pas plazhit. Por sa të sigurta janë ato?
Në Qarkun e Tiranës 15 grupe të Inspektoriatit Shtetëror Shëndetësor kanë dalë në terren për ti monitoruar.
Pastërtia e ujit dhe siguria janë dy kushte të panegociueshme që një pishinë të qëndrojë e hapur.
“Kjo është një gjë që ne nuk e tolerojmë, çdo pishinë duhet të ketë një person të certifikuar për të dhënë një ndihmë të shpejtë.
Subjekti çdo ditë ka detyrim ligjoër të shënojë të gjithë analizën që bën për ph dhe klorin.”
Deri tani janë kontrolluar 50 pishina dhe në disa prej tyre ka rezultuar.
“Problematika ka qënë mungesa e analizave të ujit, mungesë rregullore.”
Por çfarë ndodh në raste të tilla?
“Procedura e parë është këshillimi dhe lënia e detyrave, i lëmë një afat kohor 3 ditë deri në 1 javë në momentin që ne rikthehemi dhe subjekti nuk ka marrë masa varet nga procedura ose dokumentacioni që i mungon dhe ne do marrim masa deri në pezullimin e tyre.”
Aksioni do të vijojë përgjatë të gjithë sezonit veror dhe vetëm në Tiranë në monitorim do të jenë më shumë se 120 pishina./abcnews.al
