Izraeli ka nisur hetimet për vdekjen e të burgosurve palestinezëve gjatë luftës në Gaza, si dhe një kamp burgimi të drejtuar nga ushtria, ku një grup i të drejtave të njeriut ka pretenduar abuzim të të burgosurve, tha kryeprokurori i forcave të armatosura.
Duke cituar rrëfime nga ish të burgosurit dhe një mjek nga baza Sde Teiman, grupi Mjekët për të Drejtat e Njeriut tha muajin e kaluar se të burgosurit ishin dhunuar, duke i shkaktuar fraktura, gjakderdhje të brendshme dhe madje edhe vdekje.
Palestinezët kanë akuzuar gjithashtu ushtarët izraelitë për vrasje të paligjshme gjatë konfliktit gati tetë muajsh në Gaza.
“Deri më sot, 70 hetime të policisë ushtarake janë hapur për incidente që kanë ngritur dyshime për vepra penale,” tha gjeneral-major Yifat Tomer Yerushalmi, avokati i përgjithshëm ushtarak, në një konferencë të organizuar nga Shoqata e Avokatëve të Izraelit.
“Këto hetime trajtojnë gjithashtu pretendimet e ngritura në lidhje me kushtet e burgimit në qendrën e paraburgimit Sde Teiman dhe vdekjen e të burgosurve në paraburgimin e IDF.
/abcnews.al
