Dy sfidat e grupit H të Champions League, Chelsea-Ajax dhe Valencia-Lille, ishin spektakolare. Plot 13 gola u shënuan në këto dy sfida, ku emocionet ishin të shumta. Chelsea u befasua nga Ajax, pasi deri në minutën e 55-të, po mposhteshin me rezultatin e thellë, 1-4. Golat nga Promes (2), Ziyech dhe Van de Beek shfuqizuan atë penallti të Jorginho.
Megjithatë, të besuarit e Lampard nuk u dorëzuan dhe arritën të barazonin gjithçka. Azpilicueta shkurton diferencat në 2-4, ndërsa Jorginho shënon sëriësh nga pika e bardhë e penalltisë, në minutën e 71-të. Tre minuta më vonë, Reece James barazon gjithçka në 4-4. Ky gol, vendosi dhe rezultatin final të sfidës.
Ndërsa Valencia, ka fituar me përmbysje përballë francezëve të Lille. Osimhen kaloi në avantazh miqtë në minutën e 25-të, por iberikët shënuan katër herë në portën franceze, duke marrë tri pikët e plota. Parejo, Kondogbia dhe Torres gjetën rrjetën, si dhe një autogol nga Soumaro.
Pas katër raundesh në fazën e grupeve, situata në grupin H është shumë e komplikuar. Ajax, Chelsea dhe Valencia kanë nga shtatë pikë, ndërsa Lille është eliminuar, me vetëm një pikë!/abcnews.al
Champions League, grupi H
Chelsea – Ajax 4-4
Jorginho 5′ 71′, Azpilicueta 63′, James 74 / Promes 2′ 20′, Ziyech 35′, Van de Beek 55′
