Loading ...
Të mërkurën mbahen zgjedhjet presidenciale në Maqedoninë e Veriut.
Në një interviste në emisionin “Balkan Update”, në ABC News, me gazetaren Linda Karadaku, zëvendësministri i Mbrojtjes në Maqedoninë e Veriut, Tiron Jajaga u shpreh se Fronti Europian është lëvizja historike që ka ndodhur deri më sot, ndërsa u shpreh besimplotë se kandidati Bujar Osmani, pritet të marrë një fitore të jashtëzakonshme.
“Pritet një fitore jashtëzakonisht e madhe, kandidati jonë Bujar Osmani pritet të realizojë shumë vota ditën e nesërme. Fronti Europian është një lëvizje historike që ka ndodhur në Maqedoninë e Veriut, të gjithë së bashku kanë kuptuar vlerës se të gjithë bashkë jemi shumë të rëndësishëm”, ka thënë ai.
Më tej ai shtoi se besojnë dhe shpreson që hapi i radhës të jetë zgjedhja e një presidenti shqiptar
“Ne kërkojmë që presidenti shqiptar të zgjidhet në parlament. Shpresojmë që ky të jetë hapi i radhës që mendojmë se do të jetë i realizuar., Shqiptarët patën kryeministrin, tani përse mos ta marrin edhe Presidentin.”, shtoi ai.
/abcnews.al/
