Presidenti Ebrahim Raisi ka paralajmëruar se “veprimi më i vogël kundër interesave të Iranit” do të përballet me një përgjigje “të ashpër, të gjerë dhe të dhimbshme”.
Në një telefonatë me emirin e Katarit Tamim bin Hamad Al Thani të hënën, presidenti tha se sulmi i Iranit ndaj Izraelit këtë fundjavë ishte një akt “mbrojtjeje legjitime”.
“Siç e kemi njoftuar zyrtarisht operacioni u krye me sukses me synimin për të ndëshkuar agresorin.
Tani ne deklarojmë me vendosmëri se veprimi më i vogël kundër interesave të Iranit patjetër do të përballet me një përgjigje të ashpër, të gjerë dhe të dhimbshme kundër të gjithë autorëve të tij”, tha Raisi.
Izraeli nga ana tjetër është zotuar të përgjigjet dhe po peshon opsionet e tij për ta bërë këtë.
/abcnews.al
