Ukraina është në një “moment kritik” dhe ka nevojë urgjente për më shumë mbështetje nga Perëndimi, tha të martën Sekretari amerikan i Shtetit, Anthony Blinken.
“Është absolutisht e nevojshme që ukrainasit të marrin atë që vazhdojnë të kenë nevojë për t’u mbrojtur, veçanërisht kur bëhet fjalë për municionet dhe mbrojtjen ajrore.
“Është një arsye tjetër pse duhet të miratohet paketa nga Kongresi, sa më shpejt që të jetë e mundur”, tha Blinken.
Biden i ka kërkuar Dhomës së Përfaqësuesve të SHBA-së të kontrolluar nga republikanët të miratojë paketën e ndihmës ushtarake dhe ekonomike, por Kryetari i Dhomës së Përfaqësuesve Mike Johnson e ka bllokuar këtë çështje për muaj të tërë, duke përmendur prioritetet e brendshme.
Presidenti ukrainas Volodymyr Zelensky tha se nëse Ukraina nuk do të merrte ndihmën e nevojshme, forcat e tij do të duhej të tërhiqeshin.
/abcnews.al
