Luzin nuk e ndal askush në grupin A të Kategorisë së Dytë. Ekipi kavajas shkatërroi 5-0 Tiranën B dhe siguroi fitoren e gjashtë radhazi. Luzi vazhdon kryesimin me 18 pikë të plota dhe ndiqet nga Vora (12 pikë), që fitoi në transfertë kundër Mirditës me “poker” golash.
Jashtë fushe fitoi edhe Gramshi, që mposhti 0-3 Spartakun. Kjo fitore i ngjit miqtë në vend të shtatë më po aq pikë, ndërsa Spartaku renditet një pozicion më poshtë me një pikë më pak.
Feston edhe Kamza në shtëpi përballë Vllaznisë B. 2-1 përfundoi ndeshja për vendasit, të cilët përmbysën disavantazhin me dy gola të shënuar në pjesën e dytë. Te suksesi u rikthye edhe Internacionali. Ekipi kryeqytetas triumfoi 4-0 në shtëpi kundër Adës së Velipojës. /abcnews.al
Java e gjashtë e Kategorisë së Dytë
Spartaku – Gramshi 0-3
Internacional – Ada 4-0
Kamza – Vllaznia B 2-1
Mirdita – Vora 1-4
Luzi – Tirana B 5-0
