Një 48 vjeçar shqiptar është arrestuar nga policia italiane pasi ka sulmuar gruan e tij teksa po flinte. Ai ka sulmuar edhe djalin e mitur, i cili duke parë të ëmën në vështirësi, ka tentuar ta mbronte.
Sipas mediave italiane, denoncimi është bërë nga vetë gruaja e shqiptarit. Pas mbërritjes së policisë, fillimisht shqiptari ka bërë rezistencë ndaj tyre, ndërsa më pas është dërguar në komisariat për gjykim të mëtejshëm.
48-vjeçari akuzohet për abuzim në familje, lëndime të rënda, kërcënime dhe rezistencë ndaj një zyrtari publik./abcnews.al
