Manchester United kërkon me çdo kusht shërbimet e talentit të West Ham United, Declan Rice. Mesfushori 20-vjeçar po luan sezonin e tij të dytë si titullar te skuadra londineze, madje ka arritur të grumbullohet shumë herë dhe me kombëtaren e Anglisë. Rice është një lojtar polivalent, i cili mbulon shumë role në fushën e lojës.
Përveçse mbrojtës i djathtë dhe qendërmbrojtës, Rice luan dhe si mesfushor para mbrojtjes, që është dhe roli i tij i preferuar. Në atë pozicion, Rice konsiderohet si ndër më të mirët në Angli. 20-vjeçari vlerësohet 50 milionë euro nga klubi i West Ham, shifër kjo që edhe mund të paguhet nga “Djajtë e Kuq”.
Duke parë problemet në mesfushë dhe një shitje të mundshme të Matiç, Solskjaer i ka kërkuar klubit të investojë për të marrë shërbimet e Rice, që në muajin janar. Së bashku me McTominay në mesfushë, United do të kishte dy lojtarë pivot shumë të rinj, që do të siguronin të ardhmen e “Djajve” në sezonet e ardhshme./abcnews.al
