Një grup turistësh në Afrikën e Jugut i panë të gjitha kur, gjatë një ekspedite, një elefant “luajti” përpara autobusit që i transportonte dhe e ngriti atë në ajër.
Incidenti i tmerrshëm ndodhi në Parkun Kombëtar Pilanesberg, në jugperëndim të Johanesburgut më 18 mars, kur autobusi që transportonte grupin e turistëve të Afrikës së Jugut iu afrua shumë një elefanti mashkull për të bërë foto. Ai u acarua dhe u zhvendos në mënyrë kërcënuese drejt autobusit.
Videot kapën momentin kur elefanti ngriti pjesën e përparme të autobusit përpara se ta lëshonte në tokë, ndërsa pasagjerët dëgjoheshin duke bërtitur.
Shoferi i mjetit u kthye mbrapsht dhe përplasi dorën në derë në përpjekje për të trembur disi elefantin që të ndalonte sulmin.
Sipas kompanisë që organizoi ekspeditën, Mankwe Game Trackers, elefanti mashkull ishte në ‘estrus’, që do të thotë se nivelet e testosteronit rriten me 60 herë dhe pakidermat bëhen më agresive.
Fatmirësisht nga incidenti nuk ka pasur të lënduar, por drejtuesit e parkut kanë ofruar mbështetje psikologjike për turistët e tmerruar./abcnews.al
