Sekretari amerikan i Shtetit, Antony Blinken pritet të udhëtojë të Izrael të premten, tha një zyrtar izraelit për CNN.
Zëdhënësi i Departamentit të Shtetit, Mattheë Miller, tha të mërkurën se Blinken do të diskutojë negociatat e vazhdueshme për të siguruar lirimin e të gjithë pengjeve, ofensivën e planifikuar të Izraelit në Rafah dhe nevojën për të “rritur dhe mbështetur në mënyrë dramatike dërgimin e ndihmave humanitare” në Gaza.
“Ai do të diskutojë nevojën për të siguruar humbjen e Hamasit, duke përfshirë Rafah, në një mënyrë që mbron popullsinë civile, nuk pengon dhënien e ndihmës humanitare dhe avancon sigurinë e përgjithshme të Izraelit,” tha Miller.
Vizita e Blinken në Izrael vjen në një kohë kritike, pasi zyrtarët amerikanë dhe izraelitë ka të ngjarë të diskutojnë alternativat ndaj një ofensive tokësore në qytetin jugor të Gazës, Rafah javën e ardhshme, tha Shtëpia e Bardhë.
Të hënën, këshilltari amerikan për sigurinë kombëtare, Jake Sullivan u tha gazetarëve që Biden i kishte kërkuar Netanyahut të dërgonte një ekip në Uashington “për të dëgjuar shqetësimet e SHBA-së në lidhje me planifikimin aktual të Izraelit për Rafah dhe për të paraqitur një qasje alternative që do të synonte elementët kryesorë të Hamasit në Rafah dhe do të siguronte civilët.
Por Izraeli tha të martën se Netanyahu “është i vendosur të veprojë në Rafah në mënyrë që të eliminojë përfundimisht batalionet e mbetura të Hamasit, duke ofruar zgjidhje humanitare për popullatën civile”./abcnews.al
