Një aksident është regjistruar në aksin rrugor Korçë-Maliq.
Ngjarja ka ndodhur në vendin e quajtur “Gryka e Pocestës” ku dy mjete janë përplasur e për pasojë janë plagosur dy pasagjerët dhe një prej shoferëve.
Sipas policisë rrugore njeri nga mjetet ka qenë duke lëvizur nga një shesh pushimi në anë të rrugës për të kaluar në aksin nacional kur është përplasur nga një mjet me targa greke që po lëvizte në drejtim të Maliqit.
Sipas policisë mjeti që po lëvizte nga Kapshtica në drejtim të Maliqit ka qenë duke udhëtuar me shpejtësi tej normave të lejuara. Policia në vendin e ngjarjes dhe po heton për shkaqet e këtij aksidenti.
/abcnews.al/
